Ipuinak sortzeko tailerra

Neska-mutilei talde-lanean ipuin bat sortzeko proposamena luzatzen diegu.
Ordu eta erdiko hiru saioetan gorpuzten da, jarraian doazen hiru astetan egitekoak.
Saio hauetan gogorarazten da zein den herri-ipuinen oinarrizko estruktura eta, talde-lana zainduz eta bultzatuz, asmatzen hasteko proposamena egiten zaie eta, horretan oinarriturik, ipuinak sortzen dira eta horien gaineko irudiak egiten.

Lana borondatezkoa da: ikasleak ez daude bertan parte-hartzera behartuta.

Euskaraz zein gazteleraz bidera daiteke (beti ere, parte-hartzaileak gustura sentitzen diren hizkuntzan).

Tailer hau 2006-2007 ikasturtetik gaur egun arte bideratzen dugu Barakaldoko herri ikastetxeetako LHI ko 4.mailako neska-mutilekin, Udalak antolaturiko irakurzaletasuna sustatzeko HITZBATU izeneko egitarauaren barruan.